Familia
Lindiwe Nonceba Sisulu (Ioannesburgi nata die 10 Maii 1954) est politica Africae Australis.
E gente Xhosa in familia repugnatorum et politicorum orta, Lindiwe Sisulu partim in Swazia educata est ubi collegium Waterford Kamhlaba universitatemque Swaziensem frequentavit. Alumna est insuper universitatis Eboracensis in Anglia. Legata est parlamento Africae Australis ab anno 1994. Iam sub praesidatu Nelson Mandela ministra vicaria a rebus internis fuit ab anno 1996 usque in 2001. Praeside Iacobo Zuma ministra meruit informationis a die 24 Ianuarii eiusdem anni, ab habitatione a die 29 Aprilis 2004, a munitione a die 10 Maii 2009, ab habitatione humana iterum a die 26 Maii 2014. Denuo praeside Cyrillo Ramaphosa ministra a coniunctionibus internationalibus die 27 Februarii 2018 facta est.
© MMXXIII Rich X Search. We shall prevail. All rights reserved. Rich X Search